Nokre dagar før VM brakar laust for alvor, arrangerte skulen si eiga landslagsturnering med sterke fotballnasjonar som Spania, Brasil, USA, Japan, Australia og Sør-Afrika.

 Og nettopp Sør-Afrika som er VM sin vertsnasjon gjekk først i paraden frå skulen til kunstgrasbana.  Der vart turneringa høgtidleg opna med innøvd nasjonalsong og etterpå starta kampane med sambatrommer frå Brasil sitt lag som bakgrunnsmusikk.

Utanom å score mål og syne gode sportslege prestasjonar, var laga denne gongen oppmoda om å rette ekstra fokus på: bruk av nasjonale fargar, symbol, musikk, gjennomføring av parade og som heiagjeng på sidelinja med sang, rop, instrument, drakter og dans, gjennomføring av kampar med fairplay og fordeling av speletid, venlegheit og humør.  Dette utgjorde kriteriane  i høve premieringa av beste fairplaylag.
Kampane vart avvikla utan dommar der laga sjølve vart oppmoda om å bruke prinsippet "Gentleman's agreement".  Og dette fungerte fint heilt utan konfliktar.

Sjå bilete frå fargerik fotball.

Nrk Sogn og Fjordane / Vestlandsrevyen: Barneskule arrangerte sin eigen versjon av VM 

Firda nettavis, omtale og biletserie: Tjuvstart på fotball-VM

Fargerik fotball er ei antirasistisk fotballturnering som Norges Fotballforbund står bak.  Tanken er å bruke fotball som verkemiddel for å skape integrering i leik, drive aktivt solidaritetsarbeid og forstå sosiale ulikskapar i samfunnet.  Meir om dette her.